تصميم الشعارات علم وفن وممارسه ,وليه أركان لو اشتغلت عليها هتبقي مصمم محترف وليك اسمك
1- التغذية البصرية
عينك وعقلك لازم يكون عندهم حصيله تصميميه تساعدك وتلهمك وانت بتصمم وكمان بتوجهك في افضل اختيارات للالوان ودرجاتها وكمان بتعرف تميز من كتير الفرجه اي الشعار الجيد واي مينفعش يكون شعار .
التغذيه البصريه عمرها ما بتقف عند حد معين مهما كان مستواك لازم تفضل متابع اي الجديد واي الحلو واي الوحش .
في البدايه هتحتاج كل تصميم تشوفه تقف عنده وتبدأ تحلل ده اتعمل ازاي وتسأل لو مش عارف وانا معنديش اي مانع اي حد يبعتلي واقوله اي معلومه
فيه اماكن كتير للتغذية البصرية زي :- Behance.net Dribbble.com
Instagram
المواقع دي محتاج تدمنها اكتر من الفيس بوك ,اعمل اكونت عليها وتابع المشاهير في تصميم الشعارات
2- رسم الشعارات ببرنامج الالستريتور
ودي اسهل مرحله ,لان لو عملت وقت كل يوم تتفرج وتمارس فيه هتتقن البرنامج بكل سهولة .
هتتعلم الالستريتور ازاي .
بكل بساطه اليوتيوب موجود وعليه كمية كورسات الستريتور مفيش اكتر منها , عود نفسك علي انك تتعلم ازاي تدور علي الحاجه اللي محتاجها وساعتها مفيش حاجه هتوقفك ولو حاجه معرفتش توصلها اسأل
3- خطوات وفنيات تصميم الشعارات
بشكل مبسط عشان تصمم شعار محتاج تمر بالمراحل دي
أ – استجواب العميل : عشان تاخد منه كل المعلومات اللي انت محتاجها واللي هتساعدك في عملية التصميم
ب – البحث : هتمسك كل نقطه اتكلمت فيها مع العميل وتفهمها كويس , هتفهم المنتجات والخدمات , والصناعه والمنافسين .
جـ – انتاج الأفكار: وفيه طرق كتير زي استخدام الاسكتش والعصف الزهني والخرائط الذهنيه .
د – رسم الشعارات علي الكمبيوتر : وهيكون فيه تفاصيل بقي زي معاني الالوان والخطوط وانواع الشعارات
هـ – عرض الشعارات علي العميل : وهنا محتاج تعرض شعاراتك بشكل مناسب ويكون عندك القدره علي الشرح والعرض علي العميل بشكل مناسب
• الخطوات والفنيات دي هتتعلمها بأنك تمسك كل نقطه تقتلها بحث ومذاكره علي النت
• او انك تقرأ كتب متخصصه في تصميم الشعارات زي Logo design Love
كتبت مجموعة كبيره من المقالات هنا هتفيدك وبنزل فيديوهات ومقالات دايما علي صفحتي Ahmed Sanad
• او تحضر ورش وكورسات في تصميم الشعارات
لو حابب تتعمق اكتر شوف باقي المقالات والفيديوهات علي الموقع
أو سجل في كورس تصميم الشعارات المتكامل وهو عباره عن 28 درس فيديو بيخوض معاك كل المراحل اللي محتاجها عشان تبقي مصمم شعارات محترف https://ahmedsanad.com/course/logo-design-online-course/
ممتاز
احببت اسلوبك في الشرح دكتور احمد, شكراً لك على هذه المدونة الزاخرة بالمعلومات.