fbpx

Setup Menus in Admin Panel

5 فوائد لتصميم الشعارات

كل يوم بتشوف مئات الشعارات في البيت والطريق والشغل والشعارات دي بتكون اما لمنتاجات او خدمات او شركات او افراد لقو في وجود شعار ليهم مجموعه من الفوائد اللي خلت العالم حوالينا مليان شعارات بالشكل ده .

أهمية الشعارات

  • انطباع أول رائع

الشركات زي الأشخاص بالظبط زي ما بتحكم بشكل لا إرادي على الاشخاص اللي بتشوفهم بنائا علي شكلهم وطريقة لبسهم وطريقة كلامهم وملامح وشوشهم , الناس بتكون انطباعات كبيرة جدا عن الشركات من اول مقابله , في الوقت اللي بتكون اول مقابلة دايما مع الشعار سواء من خلال الويب سايت او اعلانات الطرق او التليفزيون او السوشيال ميديا .
عشان كده الشركات دايما بتدور علي ان يكون شعارها يحمل أفضل انطباع ممكن ياخده العميل عنها .

  • خلق تمييز بصري مناسب

لو قابلت صديق ليك في الشارع تقدر تتعرف عليه من بعيد من خلال ألوان لبسه أو تسريحة شعره او تتعرف علي ملامحه من بعيد, نفس الكلام بينطبق علي الشركات وأهم طريقة تمييز للشركه هي الشعار اللي من خلاله الناس بتقدر تتعرف علي الشركة او المنتج او الخدمه اللي هم محتاجينها او متعودين يستخدموها

  • الحصول علي شكل مميز عن المنافسين

من المهم والضروري ان الشعار يكون مميز ويقدر بشكل واضح يفرق الشركة عن المنافسين عشان المستهلك يقدر يعرف شركتك بشكل سهل . علي عكس انك تدخل مول كله محلات ملابس ومن غير شعارات , فالمستهلك هيبذل مجهود كبير عشان يعرفك لو كان اتعامل معاك قبل كده وكمان مش هيقدر يفرق بين الجودة في كل السوق منزوع العلامات التجارية.

  • تسهيل حب الشركه ومنتجاتها

الناس بيقعو في حب بعض المنتجات او الخدمات ووجود شعار واضح ومعبر بيسهل عملية الحب والولاء للعلامات التجارية وبيبقي سهل ينشر حبه ده لاصحابه من خلال رمز بسيط وكمان سهل يتعرف علي البراند اللي بيحبه من ملاحظتة للشعار في السوق او في الشارع او علي الانترنت .

  • توصيل قيم وشخصية الشركه

من أهم خصائص الشعارات ان تحمل رسالة معينة للفئة المستهدفه واللي ممكن تكون عباره عن مجموعة من القيم زي البساطه ممثلة في شعار ابل مثلا او السرعه في شعار فيدكس . وكمان ممكن الشعار يكون بيبعبر عن شخصية الشركة زي انه يكون جديث (مودرن ) او كلاسيك

 

اتمني ان المقال افادك بشكل ما وعشان كده هوفرلك 3 مصادر تتعلم منهم تصميم الشعارات

1- الكورس المجاني وهو عباره عن مقدمة دسمه هتفهمك اصول تصميم الشعارات تقدر تدخل عليه من هنا
https://ahmedsanad.com/course/breaking-ice-with-logo-design-basics/

2- الكورس المدفوع واللي فيه باشرح بالتفصيل كل خطوه محتاجها عشان تصمم شعار احترافي مع امثله ودراسة حاله ومتابعه شخصيه
https://ahmedsanad.com/course/logo-design-online-course/

3- المقالات والفيديوهات المنشوره في المدونه
https://ahmedsanad.com/

2019-04-08

0 responses on "5 فوائد لتصميم الشعارات"

Leave a Message

Your email address will not be published. Required fields are marked *

×
X